Starfsumsóknin

Undirritaður sækir hér með um stöðu þá er auglýst hefur verið, þ.e. stöðu Seðlabankastjóra.Hæfi mitt til starfsins er eftirfarandi:

• Hef ekki starfsmenntun til starfans, enga reynslu sem tengist bankastarfsemi aðra en þá að hafa tekið út innistæðu af reikningi mínum í banka.
• Get verið fúll, ef svo ber undir (sem er frekar oft) og er einkar laginn að snúa út úr fyrir öðrum.
• Mér finnst smjör frekar gott og nota það óspart.
• Er kominn á þann aldur, að reikna má með að ég fari á eftirlaun um það leiti sem ég er kominn með lágmarks hæfni til starfans.
• Er katta og hundavinur, en enginn sérstakur mannvinur.
• Er ekki kominn með skalla og get safnað hári og haft það viðeigandi úfið.
• Þekki ekki forsætisráðherra, en hugsanlega er hægt að bæta úr því.
• Finnst leitt og óþarft að greiða reikninga óreiðumanna.
• Þykir gaman að spila Bridge.
• Get átt það til (frekar oft) að vera hrokafullur og leiðinlegur, ef það á við (sem er oftast).

Virðingarfyllst  Íslenskur ríkisborgari.

Athugasemdir

[Óskar Helgi Helgason (IP-tala skráð) 6.3.2009 kl. 22:06]

Heill og sæll; Ingimundur minn !

O; ekki ætti þeim; flokks félögum þínum (vonandi fyrrverandi - eða hvað ?), í Samfylkingu frjálshyggjunnar, að verða skotaskuld úr, að smeygja þér inn fyrir anddyrið, að Kalkofnsvegi 1, hinna Reykvízku, myndir þú fast að durum knýja. 

Með beztu kveðjum; austur yfir fljót - úr Hveragerðis og Kotstrandar sóknum /

Óskar Helgi Helgason