Heimsendaspár.

Guðni Ágústsson ritar grein í Morgunblaðið í dag þar sem hann veltir upp heimsendaspám gömlum sem nýjum.

Eins og við vitum öll þá er heimsendir yfirvofandi, það er hins vegar dálítið óljóst hvenær von sé á honum.

Langt er síðan menn fóru að búast við ragnarökum og enn eru menn að og það eitt er víst að allt tekur enda, tilvera Jarðarinnar sem annað.

Guðni vitnar í Pál Bergþórsson veðurfræðing og umtalaðan Kastljósþátt, þar sem þeir einir fengu að halda orðinu sem héldu því fram að allt væri það vont og stefndi í verra hvað varðaði ástand lofthjúps Jarðarinnar sem sífellt væri að hitna.

Bent hefur verið á að Jörðin hafi gengið í gegnum mörg skeið og ýmist hitnað eða kólnað. Minjar finnast um mikil hlýindaskeið og kuldaskeið og það eitt er víst að við vitum ekki nóg!

Breytir ekki því, að umgengni af því tagi sem stunduð er varðandi plastmengun og brennslu jarðefna sem legið hafa grafin djúpt í jörðu frá ómunatíð er umhugsunarefni.

Plastið getum við endurunnið og hirt um og minnkað notkun á.

Það getum við líka gert varðandi brennslu jarðefna (kola og olíu) og sjálfsagt er að draga svo sem unnt er úr óþarfa brennslu þeirra.

Margt hefur verið gert til að minnka bruna véla á síðustu árum og mættu menn hafa það í huga; bílar, skip og flugvélar nútímans nýta eldsneytið mun betur en áður var.

Svo mættum við hafa það í huga að ekki er langt síðan að fólk gat lifað alveg sæmilegu lífi án þess að vera á sífelldu flugi um loftin blá í tíma og ótíma!

Skrár tengdar þessari bloggfærslu:

• Guðni Ágústsson

Athugasemdir

[Einar Karl, 9.1.2020 kl. 14:42]

Jú það heur áður verið kaldara og hlýrra loftslag. Það breytir því ekki ða ALDREI fyrr svo vitað sé hefur styrkur CO2 í andrúmslofti breyst jafnt HRATT og nú. Áhrif sem það hefur á andrúmsloftið eru þekkt.

[Ingimundur Bergmann, 9.1.2020 kl. 16:27]

 Takk fyrir Einar Karl.

Það er ekki mikið vitað um hve hratt hann hafi breyst á fyrri tímum, því þá voru engar slíkar mælingar gerðar.

M.b.k.

Ingimundur. 

[Gunnar Heiðarsson, 9.1.2020 kl. 20:51]

Öll verðum við fyrir heimsendi, þ.e. þegar við yfirgefum þennan heim.

[Þorsteinn Siglaugsson, 9.1.2020 kl. 22:36]

Rök Guðna eru strámannsrök. Enginn hefur haldið því fram að loftslagsbreytingar valdi heimsendi. Og lausnin á afleiðingum þeirra liggur svo sannarlega ekki í rolluketsáti.

[Einar Karl, 10.1.2020 kl. 15:09]

Ingimundur,

Jú það er raunar töluvert vitað um magn CO2 í andrúmslofti fyrri tíma. Íslenskur vísindamaður, Prófessor Sigfús Johnsen heitinn, var einn af leiðandi vísindamönnum á þessu sviði.

"The most direct method for measuring atmospheric carbon dioxide concentrations for periods before instrumental sampling is to measure bubbles of air (fluid or gas inclusions) trapped in the Antarctic or Greenland ice sheets. The most widely accepted of such studies come from a variety of Antarctic cores and indicate that atmospheric CO
2 concentrations were about 260–280 ppmv immediately before industrial emissions began and did not vary much from this level during the preceding 10,000 years.^[27] The longest ice core record comes from East Antarctica, where ice has been sampled to an age of 800,000 years.^[28] During this time, the atmospheric carbon dioxide concentration has varied between 180–210 ppm during ice ages, increasing to 280–300 ppm during warmer interglacials."

https://en.wikipedia.org/wiki/Carbon_dioxide_in_Earth%27s_atmosphere#Measuring_ancient-Earth_carbon_dioxide_concentration