Skítlegt eðli

Umhverfisfasistar hafa boðið upp á all sérkennilegan málflutning nokkra síðustu daga, varðandi fyrirhugaðar virkjanir í neðri Þjórsá. Málatilbúnaður þessarar gerðar hefur reyndar verið notaður áður og ekki þótt merkilegur, né til eftirbreytni, enda gengur hann út á það að ,,gefa í skin", ,,láta eitthvað í veðri vaka" og ,,sá tortryggni" svo nefnd séu nokkur þeirra meðala sem þessir aðilar telja sér sæma að nota málstað sínum til framdráttar.

Nú er sem sagt verið að reyna að koma því inn hjá fólki að Landsvirkjun hafi mútað sveitarstjórnarmönnum, væntanlega með það að markmiði að afstaða þeirra til umleitana fyrirtækisins fengju jákvæðari umfjöllun fyrir bragðið. Sannast hér hið fornkveðna: að margur hyggur mig sig. 

Öfgar þessa fólks hafa undanfarin ár birst með margvíslegum hætti og ekki er raunhæft að gera því skóna að í framtíðinni muni þau ekki hafa lag á að finna upp á ýmsu í þágu  málstaðar síns, sem þau telja vera, en er vitanlega ekkert annað en rugl af versta tagi ef betur er að gáð. Staðreyndirnar tala sínu máli og það blasir við öllum, að umhverfisáhrif af virkjununum sem ætlunin er að byggja eru sáralítil og nær væri fólkinu að snúa sér að einhverjum raunverulegri vandamálum til að fást við. 

 

Segja Landsvirkjun ekki hafa greitt sveitarstjórnarmönnum

Athugasemdir

[Gísli Baldvinsson (IP-tala skráð) 4.9.2009 kl. 13:51]

Ekki það, minn kæri Ingimundur, að ég taki upp krakskóflu Atla Gíslasonar, en ljóst er að Landsvirkjun teygir sig ansi langt á gráu svæði. Og nú hefur KLM úrskurðað að  lögbrot er framið.

[Ingimundur Bergmann, 4.9.2009 kl. 20:04]

Sæll Gísli. Það er þetta með grátt svæði sem ég hnýt dálítið um. Hvernig má það vera að er fyrirtæki á borð við Landsvirkjun sækist eftir því að fá að virkja í sveitarfélagi á borð við Flóahrepp að þá skipti það meginmáli að í stað þess að fyrirtækið greiði kostnaðinn sem af því hlýst beint, þá sé því sendur reikningurinn eftirá? Hver er munurinn er upp er staðið? Er ekki hér dæmi um ,,paragrafaisma" að ræða í ýktri mynd; orðhengilshátt sem er upp er staðið skiptir ekki nokkru máli, því eftir sem áður verður vitanlega virkjað, ef á annað borð er eitthvert vit í því.