Vondar fréttir

Það er ljót mynd á forsíðu Morgunblaðsins í dag (4.5.2020).

Í fréttinni sem fylgir segir frá þrálátri olíumengun sem er er við Suðurströndina og samkvæmt fréttinni er um svartolíu að ræða.

Fram kemur í að olía sem könnuð var á svartolíublautum fuglum sem fundust í Reynisfjöru, hafi verið þeirrar gerðar sem seld er hér á landi.

Einnig að hún sé eingöngu seld á flutningaskip. Samkvæmt því nota togararnir ekki lengur svartolíu. 

Það sérkennilega við þetta er að flutningaskip taka yfirleitt ekki olíu hérlendis og sé það óbreytt, ætti að vera frekar auðvelt að finna skip sem tekið hefur svartolíu í íslenskri höfn, því væntanlega er þá um að ræða frekar fátíð viðskipti: Ekki á fiskiskip og ekki á flutningaskip nema í undantekningartilfellum.

Líklegast er sem sagt að íslensk skip hafi ekki valdið menguninni, með þeim fyrirvara, að allt sé rétt sem fram kemur í fréttum af málinu.

Missi skip olíu fyrir borð er því skylt að tilkynna það til réttra yfirvalda eftir því sem ég best veit.

Olíumengun drepur fugla