,,Grillað"?

Ég rakst á þennan texta í auglýsingu frá Bændasamtökunum í Bændablaðinu:

,,Breytingar á félagsgjöldum BÍ voru ákveðnar á síðasta Búnaðarþingi. Framvegis verða félagsgjöldin þrepaskipt og veltutengd. Núverandi félagsmönnum er bent á að yfirfara sína skráningu á Bændatorginu og gefa upp sína veltu af landbúnaðartengdri starfsemi. Gefinn er frestur út apríl til að ganga frá skráningu á Bændatorginu. Þeir félagsmenn sem ekki skrá sitt veltubil fyrir apríllok geta átt von á að það verði áætlað."

Nú verður sem sé, ekki komist hjá því ,,að gefa upp [...] veltu og ,,yfirfara [...] skráningu" og ljúka því fyrir lok aprílmánaðar. Geri menn það ekki, geta þeir átt von á að ,,veltubil" þeirra verði áætlað.

Það hefði verið gaman að vera ,,fluga á vegg" þegar fulltrúar á Búnaðarþingi samþykktu þessa mögnuðu tillögu! Góð hugmynd gæti verið, að stofna til veðmála um hve lengi samtökin komi til með að tóra með þessu framhaldi?