Hið víðfeðma hnappagat sjálfstæðismanna

Kristján L. Möller telur, sem vonleg er, að rétt sé að virkja í neðri Þjórsá. Hann er raunsæismaður og veit sem er, að hagur íslenskrar þjóðar verður ekki eingöngu bættur með því að bjóða ferðamönnum í fótabað, né pönnukökuát á Bessastöðum.

Atvinnuleysisvofan svífur yfir Suðurnesjum og hefur gert um hríð og því er það að Helguvíkurálversómyndin þarf að fara að komast í gagnið. Það fitnar enginn af því að horfa á beinagrind fyrirhugaðs álvers birtast í fréttamyndum.

Bygging þessa álvers er eins og flestir vita, sem vilja vita, eitt allsherjar klúður. Nær allt hefur farið á annan veg en ætlað var. Eða er ekki svo? Hver var ætlunin og hvert var uppleggið með framkvæmdinni?

Til að byggja og síðan reka álver þurfa nokkrir þættir að koma saman og mynda eina heild. Það hefur ekki gerst.

Svo virðist sem ekki hafi verið gengið frá, nær öllum þeim liðum sem gera þarf, þegar fjárfesting af þessari stærðargráðu er undirbúin. Orka var ekki tryggð, línulögn ekki heldur og á síðustu stundu dúkkaði það upp að ætlast væri til að Ríkið stæði straum af kostnaði hafnarframkvæmda í Helguvík.  

Jón Gunnarsson, þingmaður Sjálfstæðisflokksins, virðist trúa því að orkuframleiðsla, ein og sér, skapi arð. Þar veður hann í villu sem oftar, því orka er einskis virði nema einhver vilji kaupa hana. Hvort svo er í raun með Helguvíkurálverið, að þar sé fundinn kaupandi að orku sem er tilbúinn að greiða það sem hún kostar og meira til, er ritara ekki ljóst. Vonandi er það þannig, að ef fjármagn finnst til að virkja, þá sé um raunverulegan kaupanda að ræða. Það segir svo kannski það sem segja þarf um hvernig staðið hefur verið að þessu verkefni að ekki skuli vera fyllilega ljóst hvort svo sé.

Jón Gunnarsson og félagar hafa haft gott lag á að klúðra hlutunum. Þeir klúðruðu hagstjórn íslenska lýðveldisins á þann veg að skráð verður í sögubækur framtíðarinnar og Helguvíkurverkefnið er enn ein rósin í hið víðfeðma hnappagat sjálfstæðismanna.

Athugasemdir

[Óskar Helgi Helgason (IP-tala skráð) 11.10.2011 kl. 20:21]

Heill og sæll Ingimundur; jafnan !

Jú; þeir klúðruðu málum öllum - til áratuga og alda, með hjálp vina þinna, Helvítis kratanna, Ingimundur minn, meðal annarra.

Vertu ekkert; að fara í launkofa með það, búhöldur og vélfræðingur, góður.

Varðandi beizlun Þjórsár; á komansi tíð, er það : Rangæinga / Árnesinga og Vestur- Skaftfellinga að ákveða, með framvindu þeirra mála - ekki; Reyk vízkra Möppu vænna drullusokka, Ingimundur.

Það sagði mér; mætur drengur vestur í Reykhólasveit, fyrir nokkrum árum, starfsmaður Orkubús Vestfjarða, að þá Vestfirðinga undraði oftlega, hversu Sunnlendingar hafi verið lítillátir, í útvegun raforkunnar, á kostakjörum yfirleitt, til Faxaflóa svæðisins, í gegnum tíðina.

Ég samsinnti honum; og viðurkenndi ákveðna lítilþægð Sunnlendinga (ég er; sem betur fer Vestlendingur, að hálfu), gagnvart risanum, vestan Heiðar, um langt árabil - jafnt; í orkumálunum, sem öðrum, svo sem.

Vitaskuld; er Neðri- Þjórsá, viðfangsefni okkar barna, og barna barna - ekki okkar kynslóðar, Ingimundur minn.

Þú hlýtur; að geta fallist á það - eigingirni okkar kynslóðar, má ekki verða hagsmunum okkar afkomenda, yfirsterkari.

Með beztu kveðjum; austur yfir fljót /

Óskar Helgi Helgason 

[Jón Ólafur Vilhjálmsson, 20.10.2011 kl. 15:09]

Ég tek undir með þér Ingimundur það er óskiljanlegt að ekki hafi verið vandað betur undirbúningi að þessu álveri í Helguvík það stendur ekki steinn yfir steini í áætlunargerðinni eða þeim rökum sem voru sett fram til að fara af stað.

1 Höfnin var svo tilbúin að þarna varð álverið að vera , en hvað höfnin er alltof lítil og þarf að stækka hana svo mikið að hún gæti verið annarstaðar þess vegna svo sem á Keilisnesi.

2 Rafmagn var ekki tryggt og því síður flutningurinn á rafmagninu að fara með línur í gegnum bæinn er nánast óásættanlegt  þess vegna hefði Keilisnes verið mun betra.

Hver stjórnaði þessu .

Helguvík virðist búinn að vera draumur allt frá röraverksmiðju sem aldrei kom og stóð reyndar aldrei til að kæmi  nema fyrir kosningar hjá bæjastjóranum