Ofbeldi í nútíð og fortíð

 

Nýnasismi er að ná sér að flug í vestur- Evrópu að sögn RT.COM og makalausi Macron (sem er reyndar ekki alveg laus við maka sem á það reyndar til að slá á vanga!) virðist langa til að feta í fótspor Napóleons og þýskir ráðamenn eru ekki alveg frábitnir gömlum draumum.

Moskva var dálítið öðruvísi þegar Naflajón var á ferðinni með sinn söfnuð en sá lufsaðist að lokum heim til sín og endað ferilinn á eyju í Karabíska hafinu.

Hitler reyndi líka og komst langt en flestir vita hvernig sú för endaði og þegar hann sá fram á að stríðið var tapað, lógaði hann sjálfum sér og sínum; var ekki tilbúinn til að standa fyrir svörum um gerðir sínar og yfirgaf því sviðið.

Nú eru sprottin upp mikilmenni í vestrinu sem langar austur en komast ekki sökum anna og ætla þess vegna að senda alþýðustúlkur og pilta í leiðangurinn, því það er minna tjón í þeim, að þeirra áliti.

Maður gerir náttúrulega ekki hvað sem er, ef maður er í forystunni fyrir landið sitt og því er betra að tefla fram minni spámönnum og svo er það væntanlega þannig, að í þeim sé minna tjón að mati þeirra sem skákina tefla.

Við sjáum hvað setur með þetta en þeir og þær eru líka til, sem vilja koma á friði milli landa og við setjum traust okkar á þau.

Annars hefur það verið svo að styrjöld Ísraels á Gaza og ,,Vesturbakkann" er flestu ofar í umræðunni sem vonlegt er, því önnur eins fjöldamorð hafa varla sést síðan í annarri heimstyrjöldinni.

Þá voru það nasistar og handbendi þeirra - m.a. úkraínskir - sem drápu saklausa gyðinga en nú er dæminu snúið við að því leitinu til, að það eru gyðingar sem standa að fjöldamorðunum á almennum borgurum.

Og þegar hugsað er til þess hvað gyðingar hafa þurft að líða áður fyrr, er ótrúlega sárt til þess að hugsa, að forystumenn þeirra skuli fara fyrir aðför að almennum borgurum líkt og sjá má á í fréttum frá Gaza.